წესი # 1
მოდის მიმდევარი ქალები თავს იწესრიგებენ არა მხოლოდ საზოგადოებაში გასვლის წინ, არამედ მაშინაც კი, როცა სახლს ალაგებენ, ვარჯიშობენ, ამზადებენ სადილს ან უბრალოდ, ისვენებენ.
წესი # 2
მოდის მიმდევარი ქალების მთავარი კოზირია ზომიერება სამოსისა და აქსესუარების შერჩევისას. მათი მიმზიდველობა იმაში იმალება, რომ შეუძლიათ შეადგინონ გარდერობი მცირე რაოდენობის ნივთებისგან. პატარა შავი კაბა, კლასიკური პერანგი, ჯინსი, კარგი ფეხსაცმელი, ტყავის ჩანთა და ზამთრის პალტო – ნივთები, რომელთა გარეშეც არ არსებობს არცერთი ჭეშმარიტი მოდის მიმდევარი ქალი.
წესი # 3
მბზინავი და ჯანმრთელი კანი – ძალიან მიმზიდველია. ამიტომაც სახის კანის მოვლა მოდის მიმდევარი ქალებისთვის პრიორიტეტია.
წესი # 4
თმა. ის შეიძლება იყოს გრძელი ან მოკლე, მაგრამ ყოველთვის ისეთი, როგორიც ბუნებამ ჩაიფიქრა. ეს იმას ნიშნავს, რომ თუ ჭეშმარიტი მოდის მიმდევარი ქალი ბუნებრივად მუქთმიანია, ის არ ცდილობს გახდეს ქერა და პირიქით. მისი თმა ყოველთვის ბზინვარეა და ჯანმრთელი.
წესი # 5
ჯანმრთელობა. თანამედროვე მოდის მიმდევრები ყოველთვის გამოძინებულები არიან და სვამენ ბევრ წყალს. მიირთმევენ ბევრ რძის პროდუქტს, ხილსა და ბოსტნეულს, ახლოს არ ეკარებიან ფასტ-ფუდს. არ ნერვიულობენ წვრილმანებზე, შეუძლიათ მოდუნდნენ და მიიღონ სიამოვნება ყოველი დღიდან.
წესი # 6
სწორედ მაღალი თვითშეფასება ხდის ჭეშმარიტ მოდის მიმდევარს მიმზიდველს, მიუხედავად იმისა, როგორი აღნაგობა აქვს და რა ზომა სამოსს იცვამს ის. ის იღებს საკუთარ თავს ისეთად, როგორიც არის და ყოველთვის "საკუთარ ტყავში" გრძნობს თავს. თუნდაც ძალიან დაღლილი იყოს – ის მაინც წელში გამართულია, არ ჩამოყრის მხრებს და ამაყად, თავაწეული ივლის.
No comments:
Post a Comment